Ministrja Arbërie Nagavci ka njoftuar se ka nënshkruar Udhëzimin Administrativ për krijimin e skemave për mbështetje financiare të studentëve për ndarjen e bursave, shkruan Albanian Education.net.
Ajo thotë se me këtë udhëzim kanë vendosur kritere të qarta për studentë për studime universitare brenda dhe jashtë vendit në nivelin Bachelor, Master dhe Doktoratë.
Postimi i saj:
🖊️Kam nënshkruar Udhëzimin Administrativ për krijimin e skemave për mbështetje financiare të studentëve për ndarjen e bursave.
🟢Me këtë udhëzim kemi vendosur kritere të qarta për studentë për studime universitare brenda dhe jashtë vendit në nivelin Bachelor, Master dhe Doktoratë.
Duke qenë se MASHTI ka shumë skema që targetojnë grupe të ndryshme të përfituesve cdo vit, përmes këtij UA kemi përcaktuar kushtet dhe kriteret e përgjithshme dhe të vecanta për ofrimin e këtyre bursave.
Këto kushte dhe kritere ofrojnë një bazë të mirë për sigurim të meritokracisë, shpenzim të përgjegjshëm të parasë publike dhe kanë për qëllim ofrimin e mbështetjes financiare për ngritjen e kapaciteteve në fushat me interes kombëtar, fuqizimin e gruas, përfshirjen në arsim të lartë të personave nga grupet shoqërore të margjinalizuara.
