Mësuesit klasor 1-5 kishin shprehur shqetësimin e tyre me padrejtësinë lidhur me pagat, duke kërkuar paga të njëjta si kolegët e tyre të klasave më të larta.
Në janar të këtij viti, kreu i SBASHK-ut kishte takuar ministren e Arsimit, Arbërie Nagavci nga e cila kishte kërkuar që të angazhohet që mësuesit klkasor 1-5 të barazohen me kolegët e tyre të mësimit lëndor në shkollën e mesme të ulët dhe që pedagogët, psikologët e zyrtarët e administratës në Arsimin Parauniversitar dhe në Universitete të kenë vend meritor në ligjin e pagave.
E ministrja Nagavci sot gjatë qëndrimit në Gjilan konfirmoi se është marrë me këtë çështje, dhe ka ngritur shqetësimin për koeficientët e vogël që kanë mësuesit klasor.
“Me aq sa kam njohuri janë në finalizim (ligji i pagave dhe i zyrtarëve publik). Si MASHT i kemi adresuar shqetësimet që kanë qenë edhe në projektligjin e fundit që u hodh posht nga Kushtetuesja, duke lënë anash disa kategori, si edukatorët në kopshte, mësuesit klasor I-5, drejtorët”, tha ajo, shkruan Albanian Kids Education.
Ajo shtoi tutje se me ligjin për zyrtarët publik janë duke punuar që të rregullohet statusi i mësimdhënësve për rekrutimin e tyre.
“Me ligjin për zyrtarët publik jemi duke punuar të rregullojmë statusin e mësimdhënësve, sepse nuk është e njëjta çështja e procdurës së rekrutimit të mësimdhënësve me zyrtarët e tjerë pubik as çështja e performancës së tyre”, tha Nagavci. / Albanian Kids Education /
