Ministrja e Arsimit, Arbërie Nagavci, thotë se është e lumtur që përuroi së bashku me kryeministrin Albin Kurti e homologen nga Shqipëria, Evis Kushi abetaren e përbashkët.
Ajo thotë se vogëlushët tanë do të kenë fatin të mësojnë me të njejtën Abetare nga e cila do të fillojnë rrugën e tyre drejt së ardhmes.
Postimi i saj:
Shumë e lumtur që përuruam sot Abetaren e Përbashkët Unike bashkë me ministren e Shqipërisë, Evis Kushi dhe kryeministrin e Republikës së Kosovës, Albin Kurti.
Vogëlushët tanë do të kenë fatin të mësojnë me të njejtën Abetare nga e cila do të fillojnë rrugën e tyre drejt së ardhmes.
Kjo Abetare është rezultat i Marrëveshjes së përbashkët të dy qeverive e nënshkruar vitin e kaluar.
Falenderim i veçantë për autorët e këtij teksti dhe Komisionin e përbashkët për punën dhe përkushtimin e tyre.
Suksese të gjithë nxënësve dhe mësimdhënësve të cilët do të punojnë me këtë Abetare.
Një komb, një Abetare!
