Kryetari i SBASHK-ut, Rrahman Jasharaj deklaroi ditë më parë se nëse nuk reflekton Qeveria deri më 1 shtator mësimdhëniësit do të futën në grevë.
Lidhur më këto “kërcënime” me grevë, ka reaguar Ministrja e Arsimit, Arbërie Nagavci e cila përmes një postimi në Facebook ka shkruar se “kërcënimi me grëvë është i papranueshëm”.
“Kërcënimi me grevë për 1 shtatorin, ditën e parë të mësimit për vitin 2022 – 2023 është i papranueshëm. Çfarë do të mbërrihet me çfarëdo greve është vetëm dëmtim i procesit të mësimit për fëmijët tanë”, ka shkruar Nagavci.
Sipas ministers rezultatet në arsim nuk janë të dëshirueshmet dhe duhet sipas saj duhet angazhim e jo greva.
“Ata që ja duan të mirën vendit, të ardhme më të mirë për fëmijët e suksese të përbashkëta duhet të ftojnë për angazhim dhe jo për greva, bllokada e pengesa”, thotë Nagavci.
Ajo shton se Ministria e Arsimit po punon me ritëm të lartë për përmisimin e infrastrukturës shkollore.
“Si Qeveri e në Ministri të Arsimit, po punojmë me intensitet të shtuar në të gjitha drejtimet, në legjislacion, përmirësim të infrastrukturës shkollore, mbështetje për mësimdhënësit e nxënësit dhe nuk e kemi ndërmend të ndalemi. Edhe legjislacioni që i rregullon pagat dhe të tjera po bëhet dhe do të bëhet si më mirë të jetë e mundshme”, shkruan Nagavci.
“Koha është për punë, e mbi të gjitha, askush nuk ka të drejtë t’u mohojë fëmijëve të drejtën për shkollim”, përfundoi ajo.
