E hënë, 26 Shkurt, 2024

Ministrja Arbërie Nagavci tregon se kur mund të nis mësimi

- Advertisement1-

Viti i ri shkollor nuk do të fillojë as me 13 Shtator. Këtë e ka konfirmuar vetëm para pak çastesh, ministrja e arsimit, Arbërie Nagavci.

Ajo përmes një postimi në Facebook ka thënë se si institucion i kanë bërë të gjitha përgatitjet, por që rekomandimet e IKSHPK-së janë që këto masa të vazhdohen edhe më tutje, shkruan Kids of Kosova.net.

- Advertisement -

Ministrja Nagavci thotë se mësimi me prezencë fizike pritet të fillojë vetëm pasi të përmirësohet situata me pandeminë.

Postimi i plotë i saj:

Të dashur punëtorë të arsimit, të nderuar prindër.

- Advertisement -

Ministria e Arsimit, Shkencës, Teknologjisë dhe Inovacionit bashkë me Drejtoritë Komunale të Arsimit dhe udhëheqësit e shkollave, i ka bërë të gjitha përgatitjet e nevojshme për fillimin e vitit të ri shkollor.

Është rishikuar dhe publikuar “Udhëzuesi për organizimin e mësimit për vitin shkollor 2021/2022 në kushtet e Pandemisë COVID-19” dhe i njëjti është dërguar edhe në drejtoritë komunale të arsimit.

Udhëzuesi, mundëson organizimin e mësimit sipas kushteve epidemiologjike në vend duke përfshirë edhe kushtet e rihapjes së institucioneve edukativo-arsimore me masa të shtuara për shëndetin publik, kushte të mbylljes së pjesshme apo kushte të mbylljes së plotë për shkak të rrezikshmërisë së shëndetit nga COVID-19.

- Advertisement -

Po ashtu, janë shpërndarë tekstet shkollore si dhe janë përgatitur shkollat për fillimin e procesit mësimor. Siç e kemi thënë edhe më herët, synimi ynë është që institucionet shkollore të hapen sa më parë dhe mësimi të realizohet me prezencë fizike.

Megjithatë, në takimin e fundit me Ministrin e Shëndetësisë dhe përfaqësues kompetent, u njoftova se rekomandimet e fundit të profesionistëve shëndetësor, sipas raportit të sotëm të IKSHP-së, janë që të vazhdohet me të njëjtat masa edhe për një periudhë të caktuar, deri në përmirësimin e situatës me pandeminë dhe rivlerësimin e masave. Natyrisht se ne do të respektojmë rekomandimet e profesionistëve shëndetësor dhe vendimi përfundimtar për këtë çështje, do të vendoset në mbledhjen e rradhës së Qeverisë.

Të gjithë jemi dëshmitarë se varianti Delta po shpërndahet shumë më shpejt sesa versionet e mëhershme dhe po transmetohet e po prek edhe moshat e hershme, andaj duhet të respektijmë në përpikmëri të gjitha rekomandimet e masat dhe të sigurohemi se rikthimi i fëmijëve në shkolla të jetë i sigurtë.

Sii ministre e Arsimit përgëzoj të gjithë mësimdhënësit dhe stafin tjetër të shkollave, që janë vaksinuar tashmë dhe u bëj thirrje për vaksinim jo vetëm atyre punëtorëve të arsimit të cilët deri tash nuk janë vaksinuar, por edhe prindërve, ta shfrytëzojnë këtë të drejtë sepse vetëm kështu ruajnë shëndetin e tyre dhe të tjerëve.
#Vaksinohu, #respektomasat #shkollatësigurta

Share

Të fundit

Të tjera nga kategoria

Nga Bujar Hajdarmataj: Sfidat e ushtrimit të profesionit të mësuesit

Rrallë mund të gjesh një profesion tjetër përveç mësuesisë ku mësimdhënësit janë obliguar e...

Mësuesit shqiptarë të shqetësuar: Të rinjtë flasin më mirë anglishten se shqipen

2024 është “Viti i Gjuhës Shqipe”, shpallur nga Ministria e Arsimit, për të treguar...

Nga Malvina Lamçe Rista: Shkëputur nga ditari i një ish-nxënëseje dikur…Sot mësuese

Dita kur mësuesja jote të kish' folur, ngritur zërin, apo kritikuar, ishte dita më...

Anulohet tenderi mbi 330 mijë euro për digjitalizim të procesit arsimor në Prishtinë

Komuna e Prishtinës ka anuluar procedurën e prokurimit për digjitalizim të procesit edukativo-arsimor për...