Ministrja Arbërie Nagavci tregon pritshmëritë për rritjen e pagave në arsim

Ministrja e Arsimit, Shkencës, Teknologjisë dhe Inovacionit, Arbërie Nagavci ka folur në lidhje me çështjen e pagave në sektorin e arsimit.

Nagavci i ka përmendur pritshmëritë në këtë fushë.

“Grupet teknike janë duke punuar në projektligjin për paga, si Ministri e Arsimit ne do të japim opinionet tona edhe do të ketë një diskutim ku të gjitha palët do të kenë mundësi t’i thonë mendimet e tyre, për punë të njejtë, pagë të njëjtë dhe të ketë trajtim të gjitha kategorive”, ka deklaruar Nagavci në RTV21, transmeton KidsofKosova.

Tutje Nagavci ka treguar se buxheti i ndarë për arsim për vitin 2022 është 12% më i madh se sa ka qenë në vitin që po e lëmë pas./21Media