Ministria e Arsimit: Vlerësimi i performances së mësimdhënësve i rregulluar me akte nënligjore

Ka kohë që në Kosovë disktuohet rreth çështjes nëse duhet të testohen mësimdhënësit e punësuar apo jo.

Kids of Kosova dhe Albanian Education Education ka kontaktuar me Ministrinë e Arsimit për t’i pyetur rreth kësaj çështje.

Zëvendësministri i Arsimit, Dukagjin Pupovci, ka thënë se vlerësimi i performancës është i rregulluar me akte nënligjore.

Ai ka thënë se ka nevojë për t’u rishikuar si metodologji, por jo të testohen me shkrim mësuesit.

“Nuk ka asnjë plan që të bëhet testimi i mësimdhenesve në Kosovë. Vlerësimi i performances së mësimdhënësve është i rregulluar me akte nënligjore dhe ka nevojë për t’u rishikuar si metodologji, por nuk është ideja që ky vleresim të bëhet në formë testi”, ka deklaruar ai për Kids of Kosova.