Ministria e Arsimit dhe Shkencës ka shpall thirrje publike për mbështetje financiare të projekteve të organizatave joqeveritare që kontribuojnë në identifikimin, përkrahjen dhe promovimin e nxënësve me inteligjencë të jashtëzakonshme, talente dhe dhunti, shkruan AlbanianEducation.net.
Njoftimi i MASHT:
THIRRJE
Ministria e Arsimit dhe Shkencës shpall thirrje publike për mbështetje financiare të projekteve të organizatave joqeveritare që kontribuojnë në identifikimin, përkrahjen dhe promovimin e nxënësve me inteligjencë të jashtëzakonshme, talente dhe dhunti.
Thirrja mbështet projektet në fushat prioritare si: hartimin e programeve për identifikimin dhe përkrahjen e nxënësve me aftësi të jashtëzakonshme, me dhunti dhe talente, ngritjen e kapaciteteve për identifikimin dhe përkrahjen e fëmijëve me aftësi të jashtëzakonshme, me talente dhe dhunti, si dhe përkrahjen e garave për nxënësit me aftësi të jashtëzakonshme, dhunti dhe talente.
Vlera totale e thirrjes është 170,000 euro, ndërsa financimi për një projekt është nga 10,000 deri në 50,000 euro.
Afati i fundit për aplikim është deri më 24 korrik 2026. Ndërsa periudha e zbatimit të projektit është 8 deri në 12 muaj, duke filluar nga muaji shtator.
Formularët e aplikimit dhe udhëzimet i gjeni në faqen zyrtare të Ministrisë së Arsimit dhe Shkencës.
