Ministria e Arsimit, Shkencës, Teknologjisë dhe Inovacionit, e cila drejtohet nga ministrja Arbërie Nagavci, ka shpallur tender përmes të cilit kërkon “kontraktor individual për monitorim të mediave, qasje në dokumente publike dhe financiare”.
Tenderi në vlerë prej 7 mijë e 200 eurosh, në një ndër detyrat ka që , të “monitorohen mediat dhe shkrimet që publikohen për Ministrinë”.
Sipas dosjes së tenderit, specifikohen edhe punët që duhet t’i bëjnë fituesit e këtij tenderi.
Ai që do të arrijë të punësohet në këtë pozitë, do të marrë kontratë 12 mujore dhe një pagë prej 600 eurosh.
Detyrat e specifikuara janë si më poshtë:
Është përgjegjës për monitorimin dhe analizimin e paraqitje së Ministrisë dhe titullarit në media, monitorimin e lajmeve të cilat atakojnë institucionin dhe ndërlidhen me proceset në arsim;
Përgatit dhe shpërndan te stafi drejtues raportin ditor të monitorimit të mediave; pranon, regjistron dhe bënë trajtimin fillestar të kërkesave për qasje në dokumente publike.
Tenderi në fjalë është kritikuar nga pjesëtarë të Shoqërisë Civile, duke e quajtur keqpërdorim të parasë publike.
