Ministri i Financave, Punës dhe Transfereve, Hekuran Murati, gjatë konferencës së sotme tha se më 1 shtator do të fillojë mësimi, ndërsa i ftoi prindërit që t’i dërgojnë fëmijët në shkollë.
“Unë jam i bindur që nesër të gjithë mësimdhënësit të jenë në vendin e punës, ashtu siç edhe kemi pa nga terreni dhe siç kanë deklaruar, dhe jo siç kanë proklamuar nga Sindikata që ka shpallur grevë në kohë kur mësimdhënësit janë në pushim dhe pretendon që ata s’po dalin në punë dhe poashtu ftoj prindërit që nesër më 1 shtator t’i dërgojnë fëmijët e tyre në shkollë sepse çdo ditë e humbur e mësimit është tepër e kushtueshmë”, deklaroi Murati.
Ndryshe, Ministri i Financave, Hekuran Murati ka dalë sot në konferencë për media për këtë çështje, ku deklaroi se ekzekutimi i pagave për grevistët është bërë pjesërisht.
“Në anën tjetër çdo person që ka qenë në grevë dhe vazhdon të jetë në grevë do të trajtohet sipas paragrafit 1 të nënit 18 të ligjit për grevën, i cili parasheh që të pezullohet obligimi i dyanshëm, në njërën anë punëtori s’ka obligim ta respektojë kontratën dhe në anën tjetër për punëdhënësin pezullohet obligimi i pagesës.”, tha Murati.
