Nuk njoh mësues që dëshiron të jap mësim në një klasë bosh, aq më keq me klasa kolektive, asnjë mësues nuk dëshiron t’i mbyllet shkolla.
Ky vit duket se po hyn furishëm, një stuhi pritet të nis fuqishëm, nga dita në ditë dhe gjithë faji është tek shpopullimi.
-Ku ta kërkosh fajtorin?
Kudo, që nga koka e shtetit dhe deri tek drejtuesit lokal…
I fundit fajtor në këtë vend për nga faji dhe jo rëndësia është mësuesi…
Nuk e sollëm ne krizën ekonomike, papunësinë, pasigurinë, frikën nuk e mbollëm ne, as dhunën as vrasjet… as çmimet nuk i rritëm ne, nuk u larguan shqiptarët nga keqqeverisja e mësuesve….
Për besë nuk jua kemi fajin për asgjë.
Ferrat i pastrojmë vetë.
Shkollat i lajmë i lyejmë po vetë.
Mjetet i blejmë vetë.
Për çdo gjë kujdesemi ne…
Mos na bëni fajtor të gjërave që nuk varen prej nesh, dëshira e çdo mësuesi është të shpërndajë dije, dashuri, dritë.
Të rrisim qytetar të dejnjë për kohën, qytetar që e duan vendin, që respektojnë ligjet dhe rregullat, që luftojnë për drejtësi dhe duan të ecin përpara me dinjitet e krenari.
Jemi ne, pa janë gjithë hallkat e tjera, të gjitha varen nga mirësia jonë, mos i “vrisni” mësuesit me gojën gjithë helm, me fjalë plumb, se nuk i meritojnë, e pakta që kërkojmë është respekti dhe jo të na quani “fajtor”.
“Kur ja drejton gishtin dikujt, mos harro se tre gishtat e tjerë, i ke të kthyer nga vetja !!”
