Milazim Krasniqi, profesor i gazetarisë në Universitetin e Prishtinës, ka bërë një status në lidhje me grevën e SBAShK-ut.
Në fakt, ai ka dhënë një propozim për të dalë nga kriza.
Sipas Krasniqit, paratë e kërkuara nga SBAShK-u duhet të mblidhen nga qytetarët, në një aksion solidariteti.
Postimi i tij:
Propozim: Propozoj që të nisim një aksion, që të mbledhim shumën e parave që duhen për të mbuluar kërkesën e SHBASH-ut dhe administratës publike.
Meqë qeveria Kurti po refuzon çfarëdo zgjidhjeje të drejtë, ne si shoqëri mund ta gjejmë zgjidhjen me një aksion solidariteti.
Kosova ka përvojë në këtë aspekt, sepse në vitet 90 shkollën e kemi mbajtur me kontribute vullnetare dhe me fondin e 3%.
Si fillim propozoj që Halil Kastrati me Shoqatën “Jetimat e Ballkanit” të jenë bartës të atij aksioni, natyrisht në bashkëpunim me sindikatat e Kosovës.
Jam i bindur se ato para mund të mblidhen në kohë rekorde, para se Kurti e Murati të kthehen nga Japonia.
Ndërsa me paratë që ata nuk po ua japin mësuesve tanë, ata mund të paguajnë faturat e reja të energjisë, që do të shpenzohet nga serbët në veriun e vendit.
