Në Manastir, aty ku u vulos identiteti ynë gjuhësor dhe historik, u mbajt Tribuna Shkencore kushtuar Alfabetit Shqiptar – një ngjarje e rëndësishme mbarëkombëtare që mblodhi studiues, ambasadorë, ministra, deputetë, gjuhëtarë, historianë e pedagogë nga gjithë hapësira shqiptare.
Në këtë aktivitet të nivelit të lartë kulturor e shkencor, shkolla “Daut Bogujevci” u përfaqësua denjësisht nga mësuesja Sebaha Sopjani, shkruan AlbanianEducation.net.
Në fjalën e saj, mësuesja Sopjani theksoi rëndësinë e punës me nxënësit përmes Abetares së Përbashkët, duke nënvizuar vlerat pedagogjike dhe qasjen bashkëkohore që kjo abetare sjell në formimin e brezave të rinj.
Ajo solli para të pranishmëve përvojat praktike nga klasat e shkollës sonë, duke theksuar se ky projekt është një urë që na lidh, na unifikon dhe na forcon si komb.
Postimi i plotë:
Mêsuesja jonë, sot në Tribunën Shkencore kushtuar Alfabetit Shqiptar, të mbajtur në Manastir – vendin ku u vulos identiteti ynë gjuhësor.
Në këtë tribunë, mësuesja Sebaha Sopjani, foli për punën me nxënësit përmes Abetares së Përbashkët, duke theksuar vlerat e saj pedagogjike, qasjen bashkëkohore dhe rëndësinë që ka në edukimin e brezave të rinj në hapësirën mbarëkombëtare.
Ngjarja mblodhi studiues, ambasadorë, ministra, deputetë, gjuhëtarë, historianë, pedagogë dhe mësimdhënës – të gjithë të bashkuar në një vend ku historia jonë gjuhësore mori drejtim të ri.
Sot, nga Kosova solli zërin esaj për përdorimin dhe rëndësinë e Abetares së Përbashkët, një projekt që na lidh, na unifikon dhe na forcon si komb.
Tribuna Shkencore “Një komb, një gjuhë dhe një alfabet” ishte një përjetim i fuqishëm – shkencor, kulturor, historik dhe thellësisht emocional.📖🇦🇱
