Një mësuese është suspenduar, pasi një video e publikuar së fundmi në internet shfaq, atë duke rrahur brutalisht një fëmijë me nevoja të veçanta – të cilin e grushton dhe e shkelmon pa mëshirë brenda autobusit.
Videoja e filmuar me telefon mobil nga një pasagjer tjetër, fillon kur gruaja qëndron mbi fëmijën të cilin e rrah në mënyrën më brutale të mundshme.
Edhe pse nuk shihet qartë fytyra e fëmijët, gruaja shfaqet qartë në video duke e goditur me të dy duart. Por, pas disa sekondave shihet edhe fytyra e vogëlushit kur në “luftë” përfshihet edhe shoferi.
Ai e tërheq pas mësuesen dhe më pas e nxjerr me dhunë të riun nga autobusi, të cilin e tërheq zvarrë deri tek shkallët. Edhe pse mundohet t’i rezistoj, ky i ri përfundon i shtrirë në trotuar duke qarë.
Ndërkaq autobusi në të cilin ishte largohet pa të, duke e lënë në mëshirën e fatit.
