Mësuesja Mimoza Rexhevelaj që punon në Malësinë e Madhe ka njoftuar për një incident që ka mundur të rrezikojë jetën e mësimdhënësve dhe nxënësve.
Ajo ka treguar se derisa ishte në orën e mësimit ka dëgjuar krisma dhe më pas ka parë se gjuajtjet me armë nga gjuetarët kanë goditur murin e shkollës ku punon, shkruan AlbanianEducation.net.
Postimi i saj:
Sot në orën e fundit të mësimit dëgjova krisma pranë shkollës ku punoj, dola pa frymë sepse ishte pranë dhe kur pash se shasmet e çiftes së gjuetarëve kishin prekur murin fundor të shkollës, ndjeva inat, mëri, pse jo dhe rrebelim për t’jua nxjerr fytyrat dhe emrat këtu, nuk e di në e keni të qartë se denoheni me ligj.
Ky është një veprim i papërgjegjshëm prejt tyre. Rreth shkollës ka gjithmonë fëmijë dhe unë me ta që më pëlqen të sodis natyrën dhe këto veprime mund të jenë fatale.
Me sa jam në dieni është e ndaluar gjuetia, por dhe autoritetet duhet të marrin në kosideratët këtë zonë, meqense individët janë të papërgjegjshëm.
Uroj të mos përsëritën më veprime të tilla, nuk do e kaloni lumin me një shkrim, ju betohem!!
