Çdo vit e më shumë po humbet interesi i nxënësit ndaj mësimit. Kështu u shpreh mësuesja Luiza Myrtaj Nezha në emisionin “Mirëmëngjes” në “Euronews Albania”.
Sipas saj, faji në lidhje me rezultatet e maturantëve nuk është vetëm i mësuesve apo sistemit.
Ajo shtoi se të gjitha testet e standartizuara të maturës janë të një niveli mesatar.
“Sa vjen, çdo vit humbet interesi i nxenësit ndaj mësuesit. Çdo vit humbet interesi. Jo të gjithë fajin t’ua vëmë mësuesit dhe sistemit. Problemi qëndron që këta nxënës po humbasin interesin. Testi është i një niveli mesatar. Të gjitha testet e standartizuara janë të një niveli mesatar”, theksoi mësuesja.
Sipas saj, në çdo test, qoftë matematike ose letërsie, do të ketë pyetje që do të jenë të një niveli të lartë vështirësie dhe do të kërkojnë një nxënie më të madhe nga ana e nxënësve.
