Mësuesja Ilda Alushaj, 42 vite përkushtim në arsimin shqiptar

Ministrja e MAS Ogerta Manastirliu, ka shprehur mirënjohje për mësuesen Ilda Alushaj, e cila pas 42 viteve përkushtim në arsimin fillor del në pension.

Ministrja e Arsimit dhe Sportit, Ogerta Manastirliu, ka ndarë një postim mirënjohjeje për mësuesen e shquar Ilda Alushaj nga shkolla “Lidhja e Prizrenit”, Tiranë, e cila, pas 42 viteve në shërbim të arsimit, do të dalë së shpejti në pension.

“Mësuese Ilda, pas më shumë se 4 dekadave që ka ndikuar në formimin e nxënësve, duke i ndihmuar ata të arrijnë rezultate të shkëlqyera në testime dhe duke kontribuar si autore dhe bashkautore në librat për mësuesin në lëndët si Gjuhë Shqipe, Histori dhe Edukimi për Shoqërinë”, shkruan ministrja Manastirliu.