Nxënësit e klasës V/6 të shkollës “Selami Hallaçi”, nën përkujdesjen e mësueses Florë Sylejmani, kanë prezantuar albumin e minimaturës, duke shënuar përfundimin e një etape të rëndësishme të jetës së tyre shkollore.
Ky album përmbledh kujtimet, sukseset dhe përvojat e pesë viteve të kaluara së bashku në bankat shkollore, duke pasqyruar rrugëtimin e nxënësve në procesin e tyre të mësimit dhe formimit.
Përmes fotografive dhe momenteve të veçanta të përfshira në album, ruhet një pjesë e rëndësishme e kujtesës së kësaj gjenerate, e cila tashmë po mbyll ciklin fillor dhe po përgatitet për sfida të reja arsimore.
Me këtë rast, mësuesja Florë Sylejmani ka uruar nxënësit për sukseset e arritura gjatë këtyre viteve, duke u dëshiruar atyre shumë suksese në vazhdim të shkollimit.
