Mësuesja Elenë Stublla nga shkolla “Dardania” në Prishtinë ka thënë se paga e mësimdhënësve edhe me rritje është shumë e vogël.
“Për një kryefamiljar rroga e mësuesit është shumë e vogël edhe me pagën e re, marrë parasysh me çmimet që po rriten çdo ditë dhe më shumë në treg”.
“Nëse një krryefamiljar ka dy-tre fëmijë me i shkollu, nuk është aspak e mirë, por besoj se është krijuar një bazë që do të ketë lehtësime në këtë aspekt”, ka thënë Stublla në emisionin Konfront në KTV, shkruan Albanian Eduation.
Por ajo ka thënë se shpresat i kanë që do të rritet edhe në bazë të performancës, siç ka premtuar ministrja Arbërie Nagavci.
“Ministrja e Arsimit e ka përmend se kur të bëhet vlerësimi i performancës në bazë të saj do të rritet edhe rroga, te kjo i kemi edhe shpresat”, ka thënë ajo. /Albanian Education
