Mësuesja Elenë Stublla kundër grevës: Më 1 shtator unë do e mbaj mësimin, kërkesat në kurriz të fëmijëve

Ende nuk dihet nëse mësimi do të fillojë më 1 shtator për shkak të paralajmërimeve për grevë nga Sindikata e Bashkuar e Arsimit të Kosovës.

Me grevën, nuk po pajtohet mësuesja e shkollës fillore “Dardania” në Prishtinë, Elenë Stublla e cila njëherësh është edhe sindikaliste e SBASHK-ut.

Ajo madje ka bërë të ditur se edhe nëse greva mbahet, për klasën e saj mësimi do të filloj me 1 Shtator.

“Padyshim që unë do e mbaj mësimin, kërkesat të cilat janë duke u bërë në kurriz të fëmijëve për mua janë shumë të paarsyeshme dhe mjeti më i pamend që mund ta përdorësh në këtë kohë krize botërore”, ka thënë mësuesja Elenë për T7, transmeton Albanian Kids Education.