Mësuesja Agnesa Zeneli nga shkolla “Ismail Qemali” në Mitrovicë ka bërë një mesazh emocionues pas përfundimit të mësimit të gjeneratës, klasës V/2.
Ajo ka deklaruar se këto pesë vite kanë qenë sfiduese por nxënësit kanë treguar vullnet, durim dhe përpjekje në çdo hap të rrugës.
Postimi i saj:
Sot përmbyllëm kapitullin e shkollës fillore me nxënësit e klasës sime.
Këto pesë vite kanë qenë sfiduese por nxënësit kanë treguar vullnet, durim dhe përpjekje në çdo hap të rrugës.
Duke i lënë pas sfidat dhe triumfet e shkollës fillore, ju lutem mos harroni vlerat dhe njohuritë që keni fituar këtu.
Tani është koha për të hapur krahët dhe për të shkuar drejt ëndrrave tuaja të reja me besim dhe guxim.
Mirënjohje dhe falënderim për prindërit e nxënësve të klasës për mbështetjen e tyre gjatë kësaj kohe!
Faleminderit nxënësve për të gjitha momentet e shkëlqyera që kemi përjetuar së bashku!
Ju uroj shëndet dhe shumë suksese në të gjitha sferat e jetës!
Me shumë dashuri, mësuesja Agnesa Zeneli
Klasa V/2 🌻
