Ëndrrën që e kishte në fëmijëri e ka realizuar. U jep dije nxënësve, pra është mësuese, dhe atë në një fushë si teknologjia, ku është e ardhmja. Bëhet fjalë për Blerona Ahmeti e cila është pjesë e Akademisë jCoders.
Mësuese Blerona në një intervistë për Albanian Education (www.kidsofkosova.net) tregon pse e zgjodhi profesionin e mësimdhënëses.
“Për mua mësimdhënia është më shumë se një profesion, është art që zotërohet dhe
perfeksionohet me kohë. Të jesh mësimdhënës do të thotë të bëhesh fëmijë, të duash ta
shohësh vendin tënd dhe të ardhmen e tij më mirë, të jesh i gatshëm të mësosh nga fëmijët dhe nga bota e tyre misterioze e kurreshtare”.
“Akademia jCoders ishte vendi ideal që unë të jepja më të mirën nga vetja për të mësuar fëmijët rreth teknologjisë, duke i kombinuar teknikat e ndryshme që preferohen për mësimdhënie. Puna këtu, përveç përvojës, çdoherë e më shumë më rrit dhe më formëson në karrierë”, ka thënë ajo.
INTERVISTË| Mësuesja Blerona Ahmeti nga Akademia jCoders: E ardhmja i përket fushës së teknologjisë
