Numri i të rinjve që zgjedhin të krijojnë një jetë më të mirë jashtë Shqipërisë po rritet ndjeshëm.
Ky largim gjithnjë në rritje ka ndikuar edhe në shkolla, pasi numri i nxënësve është ulur shumë.
Mësuesi i matematikës dhe informatikës në shkollën “Adem Pista” në Zarishtë, ka treguar Në një lidhje me Skype për “ABC e Mëngjesit” se në klasa ka më shumë vajza se djem, pasi këta të fundit janë larguar drejt Anglisë.
Sipas tij, ka nga ata që largohen me familjen dhe nga ata që ikin në “shtëpi bari”.
“Gjimnazi është gjysmë për gjysmë. Tani gjimnazi ka më shumë goca, derisa edhe ato të martohen dhe nisen për Angli me burrat.
Nuk është problemi i vendit të punës sime se dega që kam unë matematik-informatik premton. Problemi është që shkurtohen vendet e punës te të tjerët. Se nëse ikën rinia, për ca të duhet shkolla andej. Shumica andej punojnë punë të ndershme, jo të gjithë shkojnë me “shtëpi bari”. Shkojnë me familjen”, tha mësuesi.
