Mësuesi Blerim Morina ka hequr dorë nga profesioni i tij pas 14 vitesh përvojë pune, për të migruar në Gjermani.
Kolegu i tij, Adil Paçarizi përmes një shkrimi në Facebook, ka treguar se Morina është detyruar të shkoj në Gjermani në kërkim të një jete më të mirë.
“Humbja e Blerimit dhe “Blerimave” të tjerë në vashdimësi duhet të jet alarm i politikbërësve dhe akterëve të tjerë të ndërlidhur që të reagojnë para se të jet tepër vonë”, ka shkruar Paçarizi.
Shkrimi i tij i plotë:
Edhe një mësues i respektuar detyrohet të hjek dorë nga mësimdhënia duke kërkuar “një jetë më të mirë” në Gjermani
Sot, për Malishevën e arsimin në përgjithësi, e për Qendren e Kompetencës në veçanti, është një lajm aspak i mirë, që mësimdhënësi
Blerim Morina, me përvojë mbi 14 vjeçare në arsim dhe prej mësimdhënësve të parë në Qendren e Kompetencës, në mungesë të perspektivës këtu detyrohet të ndërpres punën dhe misonin e tij fisnik të mësimdhënies.
Blerimin e kisha koleg të afërt në shkollë por më mbeti mik e shok edhe pas shkollës.
Ata që e njohin Blerimin, janë dëshmitarë të një përsonaliteti të mirëformuar, profesional, parimor, bashkëpunues, shumë kreativ dhe punëtor i jashtëzakonshëm.
Largimi i tij do të jet hendikep për shkollën dhe arsimin në Malishevë, e sidomos një humbje e një modeli ideal që duhet të merrnin shembull nxënësit e rinjë.
Humbja e Blerimit dhe “Blerimave” të tjerë në vashdimësi duhet të jet alarm i politikbërësve dhe akterëve të tjerë të ndërlidhur që të reagojnë para se të jet tepër vonë.
Për ty Blerim shoku, qoftë ky udhëtim i hajrit për Ju dhe familjen tuaj!
Të urojë gjithë të mirat kudo që të jeshë, por sinqerisht jam në dilem a të uroj për vizën që more apo të ngushëlloj të tjerët për humbjen e një profesionisti sikur Ju!
Sidoqoftë, u pafshim dhe u ndëgjofshim për të mira dhe gëzime!
Me shumë respekt për Ju, shoku juaj, Adili
