Kjo është rruga që për 33 vite, Lin Shtjefni e ka bërë çdo ditë, për të shkuar në shkollën “Shtjefen Gjeçovi”, në Lezhë, ku ai jepte mësim.
Sapo ka dalë në pension. Nuk ka qenë e lehtë për të, por çdo gjë ka një fillim dhe një fund.
“Na mungon komunikimi i përditshëm, jemi mësuar me cicërmat e këtyre fëmijëve, puna me kolegët, stafin, të punosh 33 vjet dhe tani më duket sikur unë vazhdoj prapë, fillimet e para kisha mërzitjen, por jam përpjekur të largoj veten nga rutina e përditshme, lexoj të paktën 50 faqe në ditë”- nënvizoi ish-mësuesi.
Zoti Lin, tregon se në këto vite, ka hasur shumë vështirësi në arsim, por tre vitet e fundit për të do të ishin më sfidueset.
“Ne zhvilluam tre vite mësim online ishte diçka e veçantë dhe e vështirë por e arritëm, i provova të gjitha në arsim”- shtoi ai.
Largimi nga bankat e shkollës, e bëri të kuptojë, vlerën dhe rëndësinë që ka mësuesi. Është I zhgënjyer paska, me rininë sot.
“Më thënë të drejtën nuk respektohet, tek nxënësit nuk është më ai respekti që kemi pasur dikur…nxënësit të përshëndeste në rrugë të thoshte mirëmëngjes, sot pak më ndryshe, nuk e kanë më atë, ndoshta ka ndikuar dhe bota virtuale”- tha Shtjefni.
Tashmë për mësuesin e matematikës, është koha që të shijojë, pensionin, nipërit dhe mbesat. Siç ai thotë, është koha e familjes.
