Mësuesi e nxënësi rrihen keq mes vete brenda klasës në një shkollë në Serbi

Një mësues dhe një nxënës janë rrahur mes vete në shkollën teknike “Despot Durad” në Smederevë të Serbisë.

Incidenti ndodhi të hënën, por video është publikuar të premten.

Deri te rrahja ka ardhur pasi mësuesi ka tentuar t’i marrë telefonin nxënësit, shkruan “Klix”.

Në videon e realizuar nga një nxënës i klasës, shihet teksa mësuesi i merr telefonin nxënësit. Më pas filloi përleshja, që zgjati disa sekonda. Nxënësi arriti t’ia merrte telefonin mësuesit dhe më pas doli nga klasa.

Rasti është iniciuar si shkallë e tretë e dhunës, që është niveli më i lartë i dhunës në Serbi.