Një nxënës i klasës së gjashtë në shkollën fillore “Ilaz Thaçi” në Han të Elezit ka qëndruar i vetëm në kabinetin e biologjisë.
Kjo ka ngritur shqetësime te prindërit e tij dhe shokët e klasës.
Djali, i cili ka shenja të autizmit, i ka pohuar nënës se ishte i izoluar në kabinet, ndërsa disa bashkëmoshatarë raportuan se mësuesi S.C. e kishte “mbyllur” aty, raporton Kiks Kosova.
S.C.ndërkaq ka deklaruar për prindërit se veprimi ishte me qëllim të mirë, për të ndihmuar fëmijën, jo siç është pretenduar nga nxënësit.
Derisa drejtori i shkollës, Akif Shkreta, ka përjashtuar idenë e keqtrajtimit.
“Deklarata e tij është që kam pas qëllim të mirë për të (nxënësit në fjalë)”, ka deklaruar ai.
Kjo situatë konsiderohet si rast i mbyllur në këtë institucion arsimor pasi nuk është e vërtetë, sipas drejtorit Akif Shkreta.
Ai thotë se nxënësit mund ta kenë keqkuptuar komplet qëllimin e arsimtarit të biologjisë.
Se nxënësi R.K, nuk ka qenë në klasë më shokët e tij në orën e biologjisë, por i vetëm në kabinet, arsimtari S.C. ia ka pohuar edhe pedagogut të shkollës, Irfan Qajani.
Shokët e klasës së R.K, alarmuan rastin në shkollë, pasi sipas tyre ishte jo normale trajtimi që mësuesi pati ndaj 12 vjeçarit, i cili siç ka pohuar edhe nëna e tij, ka shenja të autizmit.
Marrë nga KlanKosova
