Mësimi tërëditor në shkollën “Xhemajl Mustafa” në Prishtinë nis nesër: Kjo është kuzhina dhe kabineti i artit

Shkolla “Xhemajl Mustafa” në Prishtinë nesër fillon me mësimin tërëditor.

Kreu i Prishtinës, Përparim Rama, ka publikuar foto të kuzhinës dhe kabinetit të artit në këtë shkollë, duke thënë se po i krijojnë kushtet për mësim për nxënësit, shkruan AlbanainEducation.net.

“Kuzhina dhe kabineti i artit në SHFMU “Xhemail Mustafa”, Prishtinë janë gati!
Nesër, fillojmë mësimin gjithëditor.
Nxënës të dashur, ju jeni në qendër të çdo vendimi që marrim. Ne punojmë për t’ju siguruar kushtet më të mira të mësimit, sepse ju jeni e ardhmja jonë”, ka shkruar ai.

Kurse, e para e Arsimit në kryeqytet, Jehona Lushaku, ka publikuar një video në profilin e saj në Facebook ku ka bërë një pyetje: Cila shkollë po ua merr mendja që është kjo?