Në shënim të Dita e Mësuesit, në Gjimnazi “Sami Frashëri” në Prishtinë janë zhvilluar disa aktivitete simbolike për të nderuar dhe falënderuar mësimdhënësit për kontributin e tyre në edukimin dhe formimin e gjeneratave të reja.
Aktivitetet u organizuan nga Kryesia e Këshillit të Nxënësve, e cila, në shenjë mirënjohjeje dhe respekti për mësimdhënësit, u dhuroi atyre fletore të personalizuara.
Njoftimi i shkollës:
“Mësuesi është ai që ndez dritën e dijes dhe e mban atë gjithmonë të gjallë.” – Sami Frashëri
Sot, me rastin e 7 Marsit – Ditës së Mësuesit, në shkollën tonë u zhvilluan disa aktivitete simbolike në shenjë mirënjohjeje për mësimdhënësit tanë.
Kryesia e Këshillit të Nxënësve dhuroi për mësimdhënësit fletore të personalizuara, si shenjë respekti dhe falënderimi për përkushtimin e tyre në edukimin dhe formimin e gjeneratave.
Urime 7 Marsi për të gjithë mësimdhënësit!
Mirënjohje për punën dhe përkushtimin tuaj të vazhdueshëm.
