Mësimdhënësja Myrvete Haziri-Bucolli boton librin e parë me titull “Pranverë në vargun tim”

Myrvete Haziri-Bucolli mësimdhënëse në shkollën “Nazmi Hoxha”, në Gjilan ka publikuar librin me titull “Pranverë në vargun tim”, që përmban poezi të ndryshme dhe ndahet në katër cikle, shkruan AlbanianEducation.net.

Secila poezi ka mesazh të çartë për fëmijët. Poezitë përmbajnë motive të ndryshme dhe ilustrime ku përmes figurës thuajse arrijnë edhe te qëllimi i temës.

Ajo gjithmonë është marrë me shkrime dhe ka qenë aktive në grupin letrar: “Migjeni”, në shkollën “Musa Zajmi”, ku e ka vijuar mësimin.

Ka botuar në revistën e shkollës “Gëzimi”, “Pioneri” si dhe në revistat për të rritur.

Tani me botimin e librit të parë Myrvetes i është hapur porta në botën e letërsisë për fëmijë.

AlbanianEducation.net