Mësimdhënësja Edita Mati shpërblehet për kreativitetin në zbukurimin e shkollës “Yll Morina” në Gjakovë

Në shkollën “Yll Morina” në Gjakovë, është vlerëuar puna dhe përkushtimi i mësimdhënëses Edita Mati, e cila u shpërblye për angazhimin, kreativitetin dhe kujdesin e treguar në dekorimin dhe ndryshimin e pamjes së shkollës, shkruan AlbanianEducation.net.

Falë energjisë dhe ideve të saj artistike, ambientet e shkollës janë shndërruar në një hapësirë më të ngrohtë, të bukur dhe frymëzuese për nxënësit dhe stafin.

Drejtoria e shkollës falënderoi mësimdhënësen për punën e palodhur, duke e cilësuar shembull për të gjithë kolegët dhe një nxitje për të kontribuar bashkë për një shkollë plot ngjyra dhe gjallëri.