Mësimdhënësit në Kosovë pensionohen në moshën 65-vjeçare.
Edhe portali ynë AlbanianEducation.net çdo ditë thuajse publikon lajme ku njofton për pensionim të mësimdhënësve nga shkolla të ndryshme të vendit.
Për pensionimin e tyre zakonisht organizohen ahenge nga shkollat dhe ju ndahen mirënjohje për kontributin në edukimin e gjeneratave në arsim.
Por, një fakt tejet i dhimbshëm është se numër jo i vogël i mësimdhënësve ballafaqohen me sëmundje të ndryshme dhe mezi ia dalin të japin mësim deri në moshën 65-vjeçare, ndërsa ka jo pak që nuk e gëzojnë pensionimin për shkak se ndërrojnë jetë.
Albanian Education.net ka realizuar një anketë ku ka shtruar pyetjen:
Në cilën moshë duhet të dalin mësimdhënësit në pension: 65, 60 apo 55?
56% e lexuesve tanë janë përgjigjur në opsionin se mësimdhënësit duhet të pensionohen në moshën 60-vjeçare, 37% e lexuesve janë përgjigjur në moshën 55 vjeçare kurse 7% në moshën 65 vjeçare.
