Mësimdhënësi Burim Shamolli nga Lipjani: Me 19 vjet përvojë pune, paga m’u rrit veç 50 euro

Janë ekzekutuar pagat e punonjësve shtetërorë, për herë të parë sipas koeficientit të ri të pagave të bazuar në ligjin e ri.

Disa mësimdhënës janë shprehur të zhgënjyer me pagën që ju ka dalë me rritje, bazuar në ligjin e ri, çka kanë treguar për Albanian Education se kanë marrë veç 50 euro më shumë.

Një prej tyre është edhe Burim Shamolli, mësimdhënës në shkollën e mesme “Shaqir Hoxha” në fshatin Shalë të Lipjanit i cili tregon se ka pasur rritje veç 50 euro.

“Me 19 vjet përvojë pune, paga me rritje sipas ligjit të ri më ka dalë veç 50 euro më shumë”, ka thënë për Albanian Education mësimdhënësi Shamolli i cili ka dërguar dhe dëshmitë.