Janë ekzekutuar pagat e punonjësve shtetërorë, për herë të parë sipas koeficientit të ri të pagave të bazuar në ligjin e ri.
Por jo pak mësimdhënës janë shprehur të zhgënjyer me pagën që ju ka dalë dje me rritje, bazuar në ligjin e ri.
Një prej tyre është edhe mësimdhënësi, Bajram Tahiraj, nga gjimnazi “Vëllezërit Frashëri”
në Deçan.
Ai thotë se për dallim nga muaji paraprak ka pasur rritje veç 53 euro.
“Nga 525 euro që e kam pasur tani më doli në llogari bankare paga 578.04. Jam mësimdhënës me 22 vite përvoj pune dhe me kualifikim master”, tregon ai për Albanian Education.
“Kjo është lista e pagave, këtu është përfshirë edhe sindikata, kurse tani nuk jam anëtar i sindikatës dhe paga e fundit ka qenë 525.00”, tregon mësimdhënësi Tahiraj. / Albanian Education
