Mësimdhënëset e shkollës profesionale Shkolla Profesionale “Kadri Kusari” në Gjakovë kanë përfunduar me sukses trajnimin për Mësimdhënës të Praktikës Profesionale (MPP), në kuadër të zbatimit të Arsimit Dual në Kosovë.
Ky trajnim është organizuar nga GIZ në bashkëpunim me Ministrinë e Arsimit, Shkencës, Teknologjisë dhe Inovacionit (MASHTI), me qëllim ngritjen e kapaciteteve profesionale të mësimdhënësve dhe përmirësimin e cilësisë së arsimit profesional në vend.
Përmes këtij programi, pjesëmarrëset kanë avancuar njohuritë dhe aftësitë e tyre në organizimin dhe realizimin e praktikës profesionale, duke u fokusuar në lidhjen më të fortë ndërmjet shkollës dhe tregut të punës.
Zbatimi i Arsimit Dual synon t’u ofrojë nxënësve përvojë praktike të drejtpërdrejtë në kompani, duke i përgatitur më mirë për sfidat e tregut të punës dhe duke rritur mundësitë për punësim pas përfundimit të shkollimit.
Ky hap konsiderohet i rëndësishëm drejt modernizimit të arsimit profesional në Kosovë dhe forcimit të bashkëpunimit ndërmjet institucioneve arsimore dhe sektorit privat. /AlbanianEducation.net/.
