Ministrja e Arsimit Arbërie Nagavci njofton për nxjerrjen e një vendimi në bazë të të cilit do të zëvendësohen orët e humbura mësimore. Me këtë vendim do të ndryshohet edhe kalendari i vitit shkollor, me ç’rast gjysmëvjetori i parë pritet të përfundojë me datën 27.01.2023.
Ministrja Nagavci thotë se zbatimin e këtij vendimi do ta mbikqyrë Inspektorati i arsimit.
Ajo ka publikuar edhe datat për zëvendësimin e orëve të humbura. Anipse SBASHK-u ka deklaruar se orët e humbura gjatë mbajtjes së grevës njëmujore nuk do të zëvendësohen.
Në këtë vendim, ajo ka publikuar edhe datat se kur do të ndodh zëvendësimi i tyre.
Tetë ( 8 ) ditë të mësimit të pambajtura për parafillore dhe klasat (1-8) sipas UA-05/2022 për Kalendarin e vitit shkollor 2022-2023 do të mbahen ditëve të shtune, si në vijim:
-Në muajin Tetor, 2022 mësimi mbahet më datat 15.10.2022, 22.10.2022 dhe 29.10.2022;
-Në muajin Nëntor, 2022 mësimi mbahet më datat 12.11.2022 dhe 26.11.2022;
-Në muajin Dhjetor, 2022 mësimi mbahet më datat 10.12.2022 dhe 24.12.2022;
-Në muajin Janar, 2023 mësimi mbahet më datë 14.01.2023.
Në njoftimin e bërë nga MASHT, të gjitha nivelet e arsimit parauniversitar do të përfundojnë më datë 27.01.2023. Ndërkaq, pushimi dimëror për të gjitha nivelet e arsimit parauniversitar do të fillojë më datë 30.01.2023 dhe mbarojë më 03.02.2023.
Gjysmëvjetori i dytë fillon me datë 06.02.2023. Në pesë ditë të planifikuara të pushimit pranveror sipas UA-05/2022, do të mbahet procesi mësimor në të gjitha nivelet e arsimit parauniversitar.
Përfundimi i gjysmëvjetorit të dytë do të jetë si në vijim:
-Për klasën e 12-të (maturantë)përfundon më datë 05.06.2023;
-Për klasat 9,10 dhe 11 përfundon me datë 27.06.2023;
-Për parafillor dhe klasat 1-8 përfundon më datë 30.06.2023
