Drejtori i Arsimit në Deçan, Besnik Hulaj, ka falënderuar asambleistët e kësaj komune për hartimin e Rregullores për Përzgjedhjen e Mësimdhënësit të Dalluar.
Sipas kësaj Rregulloreje parashihet që mësimdhënësi më i dalluar i shkollës do të shpërblehet me 400 euro, kurse mësimdhënësi i dalluar në nivel komune do të shpërblehet me 800 euro dhe do të propozohet kandidat per çmimin tradicional “Shaban Jashari”, shkruan AlbanianEducation.net.
Fjala e plotë e drejtorit Besnik Hulaj:
Të nderuar asambleistë te komunës së Deçanit, na nderuat neve si DKA, nderuat dhe respektuat anëtarët e Komisionit që punuan në hartimin e Rregullores për Përzgjedhjen e Mësimdhënësit të Dalluar.
Sot, ishit unik dhe moret vendim, me votën tuaj.
Tani na mbetët neve dhe të gjithë mësimdhënësve qe të punojmë se bashku e të rrisim cilësinë në shkollat e komunës sonë.
Kjo rregullore ka për qëllim motivimin e mësimdhënësve në drejtim të avancimit të punës së tyre në procesin edukativo-arsimor, kryerjen e detyrave me përkushtim dhe shtimin e angazhimit të tyre për arritjen e pritshmërive dhe përmbushjen e objektivave.
Me këtë rregullore përcaktohen procedurat dhe kriteret për përzgjedhjen e mësimdhënësit të dalluar në nivel të institucionit edukativo-arsimor dhe në nivel komune.
Mesimdhenesi i dalluar ne nivel te institucionit edukativo-arsimor shperblehet me
shumen monetare prej 400€ (katërqind euro).
Mesimdhënësi i dalluar ne nivel te komunës shperblehet me shumen monetare 800€
(tetēgind euro), dhe propozohet kandidat per çmimin tradicional “Shaban Jashari”
Mësimdhënësi i dalluar në nivel institucioni edukativo-arsimor dhe në nivel komune zgjidhet në çdo vit shkollor.
Faleminderit kryetarit z. Bashkim Ramosaj për përkrahjen ndaj arsimit!
Sinqerisht faleminderit,suksese bashkë !
