Dje në ambientet e shkollës “Shotë Galica” në Abri, drejtori i Arsimit, Muhamet Gjoka, organizoi një pritje të veçantë për mërgimtarin nga Kanadaja, Zejadin Dedinca, i cili bëri një donacion të vlefshëm për këtë institucion arsimor.
Ai dhuroi shkollës pajisje të teknologjisë informative, duke përfshirë pajisje moderne që do të ndihmojnë në përmirësimin e mësimdhënies dhe mësimit për nxënësit e shkollës.
Kjo ndihmë e çmuar është pritur me shumë kënaqësi nga drejtori i shkollës dhe nga stafi arsimor, duke e vlerësuar si një kontribut të rëndësishëm për avancimin e cilësisë së arsimit në Drenas.
Zejadin Dedinca u shpreh se ka dashur të japë një kontribut konkret për komunitetin e tij, duke e rritur qëndrueshmërinë dhe efikasitetin e mësimdhënies në shkollat tona.
Ky akt i mirë dhe solidariteti i tij do të jetë një frymëzim për të gjithë ata që dëshirojnë të ndihmojnë në zhvillimin e arsimit në Kosovë.
