Melihate Lika shpallet mësuesja më e dalluar në shkollën “Motrat Qiriazi”, në Prizren

Melihate Lika, është shpallur mësimdhënësja më e mirë në nivel komunal për nivelin 6-9 në shkollën “Motrat Qiriazi”, në Prizren, shkruan AlbanianEducation.net.

Njoftimi i shkollës:

Me krenari dhe gëzim të madh, shprehim urimet tona për mësimdhënësen e gjeografisë, Melihate Lika, e cila është shpallur Mësimdhënësja më e mirë në nivel komunal për nivelin 6-9!

Ky vlerësim është një dëshmi e përkushtimit, profesionalizmit dhe dashurisë së saj për mësimdhënien.

Shkolla “Motrat Qiriazi” është e nderuar dhe mburret me një mësimdhënëse kaq të përkushtuar, e cila me pasion dhe punë të palodhshme i frymëzon nxënësit çdo ditë.
Urime dhe suksese të mëtejshme!