Është 13-vjeçare por qysh tani e ka zgjedhur rrugën që do ta ndjek kur të rritet. Talent i saj është vizatimi dhe synon të bëhet një dizajnere e famshme.
Punimet që ka dërguar në “Kids of Kosova” tregojnë se është e talentuar dhe po ec në rrugë të mbarë për të arritur ëndrrën e saj.
Ajo është Medlina Zekaj nga fshati Raushiq i komunës së Pejës dhe ndjek mësimet në shkollën “28 Nëntori” në vendlindjen e saj, ku tashmë ka përfunduar klasën e 7-të.
“Po kam dëshirë të bëhem dizajnere”, thotë ajo për “Kids of Kosova” (www.kidsofkosova.net).
Tregon se ka marrë pjesë në gara shkollore, ndërsa synon në të ardhmen të hapë ekspozitë, që t’i shpalos talentin e saj.
“Kam marre pjese ne gara të ndryshme në shkollë, por jo në gara të artit. Dëshira ime është që të hap një ekspozitë timen, kurse kur të rritet të bëhem dizajnere e famshme”, thotë Medlina.
Më poshtë gjeni disa punime nga Medlina Zekaj:
