Jemi rritur duke parë gjyshen ose nënën tonë të thurë me shtizë pulovrën apo çorapet e dimrit. Dhe ja moda erdhi sërish!
Moda e trikove është rikthyer vitet e fundit nga shumë prej markave të njohura, si Mark Jacobs apo Chanel.
Ndërkohë 25-vjeçarja nga Kosova, Lirika Matoshi, ka rikthyer në modë traditën e nënave shqiptare për të punuar me shtizë shumë nga veshjet.
Dizajnuesja shqiptare ka krijuar vetëm dy stile trikosh, me dizajnin e reve dhe të qershive, që janë bërë shumë të famshme.
Por e veçanta e tyre është për mënyrën sesi realizohen, janë gra shqiptare që dinë shtiza, një traditë që modës i duhet dhe që shumë nuk e dinë.
Dikush komenton përse nuk përdoret një makineri për thurje, por Lirika i beson punës që bëhet me dorë dhe pikërisht kjo është e veçanta e këtyre trikove.
Për të realizuar një triko të tillë ajo tregon se nevojiten 2-3 ditë pune.
Dhe shumë nga gratë shqiptare mund ta shfrytëzojnë këtë talent, për të bërë të njëjtën gjë në shtëpitë e tyre, por edhe jashtë saj.
