Një vogëlushe 5-vjecare nga qyteti i Durrësit, e cila vuan nga një sëmundje e pashërueshme është ndihmuar nga shokët dhe shoqet e saj te kopshtit.
Vajza e vogël jeton vetëm me gjyshen pasi është braktisur nga prindërit. Prindër e mësues te kësaj zone, te ndikuar nga historia e vogëlushes, u organizuan dhe mblodhën një shume parash për të ndihmuar të moshuarën dhe vajzën e mitur.
Ansuelda Meta është 5 vjeç. E vogla vuan nga një sëmundje e rende. Për te ndjere edhe ajo ngrohtësinë e këtyre festave, kane menduar shokët dhe shoqet e kopshtit, duke i përgatitur një dhurate.
E braktisur nga prindërit, vajza e vogël jeton me gjyshen, ne qytetin e Durrësit, e cila është mbështetja e vetme qe ajo ka. Ndërsa shume familje bëjnë pazarin për festat e fundvitit, për te pasur tryezën plot, diçka e tille është e pamundur për gjyshen dhe mbesën. Por prindër e mësues te kësaj zone, te ndikuar nga kjo histori, u organizuan dhe mblodhën një shume parash për te ndihmuar te moshuarën dhe vajzën e mitur. E emocionuar nga ky gjest, gjyshja falënderon te gjithë ata që e ndihmuan në këto ditë të vështira.
