Sot ka qenë një ditë e paharruar për nxënësit e klasës së parë të shkollës “Elena Gjika” në Prishtinë.
Ata në ditën e parë të shkollës përveç që janë njohur me mësueset dhe shoqet e shokët, janë surprizuar edhe nga kompania lidere në vend, LIRI nga Prizreni, ku kanë marrë dhurata.
Festa nisi në momentin që kombi i bukur i Lirit i mbushur me dhurata hyri në oborrin e shkollës “Elena Gjika”, ku nxënësit u gëzuan tej mase.
Surpriza për ta vetëm sa filloj, dhe gëzimi i tyre u rrit kur e panë maskotën e Lirit.
Në një organizim perfekt, nën tingujt e muzikës, nxënësit një nga një me radhë të shoqëruar nga mësueset e tyre kanë marrë dhuratat, çanta, fletore e biskota, nga maskota e Lirit.
Ata me shumë gëzim me dhuratat në duar përqafonin maskotën e Lirit dhe bënin foto me të.
Drejtoresha e shkollës, Zana Zeqiri, ka falënderuar kompaninë LIRI nga Prizreni për dhuratat si dhe median për arsim AlbanianEducation.net që bashkë me Lirin organizoi këtë event të bukur për fëmijët. /AlbanianEducation.net
