Mbyllet shkolla në fshatin Selac të Mitrovicës, nxënësit do të barten në Kaçanoll

Shkolla në fshatin Selac është mbyllur. Kështu të paktën raporton portali lokal Jepi Zë.

Ky vendim nuk është mirëpritur nga banorët dhe nga kryesia e shkollës, shkruan Jepi zë.

Sipas këtyre burimeve, nxënësit e kësaj shkolle do të transferohen në shkollën e fshatit Kaçanollë.

Poashtu, burime brenda drejtorisë së Arsimit, thonë se po planifikohet mbyllja edhe e shkollës në fshatin Bare dhe nxënësit të transferohen në fshatin Bajgorë.

Deri tek ky vendim ka ardhur për shkak të numrit të vogel të nxënësve. Siç mësohet, shkolla e Selacit kishte 5 nxënës.

Ndryshe, shumë fshatra po zbrazen nga fshatarët që po zgjedhin të zhvendosen në qytet e disa tjerë po marrin rrugën e mërgimit./ Jepi zë