Këshilli Drejtues i shkollës “Naim Frashëri” në Banjë, ka mbajtur sot mbledhjen konstituive ku janë marrë edhe vendime.
Me shumicë të votave u zgjodh për Kryetar të KDSH-së Faton Telaku.
Njoftimi i plotë:
Sot u mbajtë mbledhja konstituive e Këshillit Drejtues të Shkollës(KDSH), ku pjesëmarrës ishin anëtarët nga Këshilli i deritanishëm dhe anëtarët e Këshillit të ri.
Anëtarët e deritanishëm të KDSH-së shkëmbyen përvojat e tyre para anëtarëve të rinj të KDSH-së.
Kënaqësi e veçantë kur dëgjoheshin zërat nga të gjithë veç e veç për të vazhduar kontributin e mëtutjeshëm për avansimin e fushave të cilësisë së shkollës.
Drejtori i shkollës në shenjë respekti e falenderimi për kontributin e deritanishëm, të gjithë anëtarëve u dhuroi libra për kontributin e dhënë shkollës.
Ndërkaq, anëtarët e rinj të KDSH-së pranuan rregulloren e punës për mandatin e tyre 3 vjeçar, e që morën besimin e plotë nga Këshilli i Prindërve, Këshilli i Nxënësve dhe Këshilli i Mësimdhënësve.
Gjithashtu, në pjesën e dytë të mbledhjes, me shumicë të votave u zgjodh për Kryetar të KDSH-së z. Faton Telaku.
Sqarim:
Udhëzimi Administrativ (MASHT) Nr. 03/2016 Këshilli Drejtues i Shkollës, NENI 2:
1. Këshilli Drejtues i Shkollës është organi më i lartë këshilldhënës dhe vendimarrës në shkollë.
2. Anëtarët e Këshillit Drejtues të Shkollës janë persona që angazhohen PA PAGESË, të cilët përfaqësojnë dhe janë përgjegjës ndaj këshillit të prindërve, këshillit të nxënësve, komunitetit, qeverisjes lokale dhe qendrore të tatimpaguesve.
