Në sallën e Asamblesë komunale në Skënderaj, është mbajtur diskutimi publik për “Projekt-Rregulloren për përzgjedhjen e mësimdhënësit të dalluar në komunën e Skënderajt”, shkruan Albanian Education.
Në këtë diskutim publik, njofton Drejtoria e Arsimit në Skenderaj se kanë marrë pjesë mësimdhënës/e dhe edukatorë/e nga shkollat e Skenderajt si dhe përfaqësues nga shoqëria civile.
“Kjo rregullore ka për qëllim motivimin e mësimdhënësve në drejtim të avancimit të punës së tyre në procesin edukativo-arsimor, kryerjen e detyrave me përkushtim dhe shtimin e angazhimit të tyre për arritjen e pritshmërive dhe përmbushjen e objektivave”.
“Në këtë diskutim publik, është diskutuar dhe janë dhënë mendime e sugjerime të shumta për procedurat dhe kriteret për përzgjedhjen e mësimdhënësit të dalluar në nivel të Institucionit edukativo-arsimor dhe në nivel komune”.
“Pas këtij diskutimi dhe sugjerime të dhëna, kjo rregullore do të finalizohet dhe do të hyjë në fuqi së shpejti”, thuhet në njoftim. /Albanian Education/
