Mbi 6 mijë nxënës të infektuar me COVID-19 në shkollat e Kosovës, apelohet për vaksinim të fëmijëve mbi 12-vjeç

Zëvendësministrja e Arsimit, Shkencës, Teknologjisë dhe Inovacionit, Edona Maloku Bërdyna, ka treguar për situatën në të cilën gjenden shkollat në Kosovë, shkak i COVID-19.

Në një konferencë për media, Maloku-Bërdyna bëri të ditur se të infektuar me koronavirus janë 1489 mësimdhënës dhe mbi 6 mijë nxënës.

“Nga 23 mijë e 90 mësimdhënës, me COVID-19 janë 1,489 mësimdhënës. Nga 298 mijë nxënës, janë mbi 6 mijë të infektuar me COVID-19. Me skenarin rikthimi me prani fizike janë 672 shkolla, me skenarin A janë shtatë shkolla, me skenarin B janë pesë shkolla, ndërsa në skenarin C janë 90 shkolla”, tha ajo.

Po ashtu ajo bëri thirrje të të vaksinohen të gjithë fëmijët mbi 12 vjeç.