MASHTI tregon nëse do të testohen me shkrim mësimdhënësit

Ka kohë që në Kosovë disktuohet rreth çështjes nëse duhet të testohen mësimdhënësit e punësuar apo jo.

Zëvendësministri i Arsimit, Dukagjin Pupovci, ka thënë se vlerësimi i performancës është i rregulluar me akte nënligjore dhe nuk ka asnjë plan të bëhet testimi i mësimdhënësëve.

“Nuk ka asnjë plan që të bëhet testimi i mësimdhenesve në Kosovë. Vlerësimi i performances së mësimdhënësve është i rregulluar me akte nënligjore dhe ka nevojë për t’u rishikuar si metodologji, por nuk është ideja që ky vleresim të bëhet në formë testi”, ka deklaruar ai për Kids of Kosova.