Ministria e Arsimit ka njoftuar se është hapur thirrja për projekte kreative/inovative të studentëve të fakulteteve në fushat STEM, shkruan AlbanianEducation.net.
MASHT ka ftuar të gjithë studentët e fakulteteve të Shkencës, Teknologjisë, Inxhinierisë, Matematikës dhe Arkitekturës të paraqesin idetë e tyre origjinale.
Vendi i parë do të shpërblehet 1 mijë euro, vendi i dytë me 750 euro dhe vendi i tretë 500 euro.
Njoftimi:
Mundësi e mirë për studentët e fushave STEM
Kam kënaqësinë të ju informoj se kemi hapur thirrjen për projekte kreative/inovative të studentëve të fakulteteve në fushat STEM.
Ky konkurs është një mundësi për të kthyer idetë në realitet andaj ftoj të gjithë studentët e fakulteteve të Shkencës, Teknologjisë, Inxhinierisë, Matematikës dhe Arkitekturës të paraqesin idetë e tyre origjinale.
Çmimet:
-Vendi i parë: 1 mijë euro;
-Vendi i dytë: 750 euro;
-Vendi i tretë: 500 euro;
Shpërblime shtesë për fituesit:
– Prezantim në Konferencën STEMinists 2025
-Certifikata nga MAShTI
-Promovim në faqet zyrtare dhe rrjetet sociale
Thirrja do të jetë e hapur deri më 05.11.2025. Mos e humbni këtë mundësi për të treguar talentin tuaj dhe për të sjellë ndryshim.
