Ata që punojnë çdo ditë për të ndriçuar mendjen e fëmijëve, e dinë shumë mirë që kjo nuk është një ‘punë’, aspak e lehtë! Madje nuk mund të krahasohet me profesionet e tjera!
Të ligjërosh e përçosh çdo ditë njohuri të reja, është art me vete! Duhet të ketë pasion në atë që bën dhe thua!
Që fëmijëve t’u ndriçohet shpirti bashkë me mendjen! Dashuria për fëmijët më çon në dashurinë për përfeksionimin e vetës me anë të të lexuarit! Kjo dëshirë nuk duhet tv mungojë kurrë tek asnjë njeri që është pjesë e këtij profesioni, por edhe më gjërë, tek të gjithë!
Qëllimi është të fokusohemi në krijimin e individëve të aftë për komunitetin ku do të veprojnë nesër!
Mësuesi jep shembullin nëpërmjet vetës së tij! Po, e dua atë që bëj dhe e bëj me zemër!
Ku ka më bukur sesa të mbahesh mend! Ku ka më bukur sesa të të vlerësojnë dhe respektojnë çdo ditë! Ku ka më bukur sesa të frymëzosh e të ndikosh pozitivisht në jetën e filizave të rinj! Duaje atë që bën dhe bëje me zemër! Vetëm kështu do të dalim nga apatia e do të arrijmë të ndërtojmë një të ardhme bindëse dhe të sigurt!
